لكل عميل بيخوض تجربة الشراء في العاصمة الإدارية الجديدة لأول مرة ياريت تاخد بالك من النقاط دي وأنت بتشتري :
1- العقد مش ضدك هو في صالحك وضامن لحقوقك بنسبة 100% بس بنود العقد بتضمن حق الشركة 300% من أي دماغ تقدر تستغل أي ثغرة في العقد ضد الشركة.
2- 95 % من الشركات إستحالة تغير أي بند في العقد مهما كان السبب لأنها لو عملت كده مش هتخلص من طلبات العملاء وهتبيع بـ 100 وش وده مش في صالحك مستقبلاً.
3 – 90 % من شركات التطوير فى العاصمة الإدارية الجديدة عقودها عقود إذعان.
4 – ما فيش حاجة إسمها أنا كنت فاكر إن المساحة صافي لأنه بيكون فيه نسبة تحميل وده موجود في أي مكان بس نسب العاصمة الإدارية الجديدة بتبقى عالية شوية.
5 – متفاصلش في سعر المتر فيه حاجه اسمها عرض قصاد عرض وساعات الشركة من نفسها بتكون عاملة عروض وخصومات.
6- ما فيش حاجة اسمها إدفع سنوي في أخر السنة من أول قسط لأنك أكيد مش أذكى من الشركات.
7- مافيش حاجة إسمها مش عايز أدفع صيانة لأنها فايدة بتعود عليك في النهاية.
8- حقك تطلع على كل الأوراق وتاخد نسخة وتسأل على الورق والتراخيص وتطلع على عقد البيع قبل دفع أي جنيه.
9- نصف تشطيب يعني الوحدة واقفة على المحارة وحلوق الأبواب ووصلات المياه والكهرباء داخل الشقة عشان فيه ناس بس بتتلغبط.
10 – من حقك يكون ليك حصة في الأرض لكن الجراج بيتباع والرووف من حق الشركة مش من حقك.. وتفاوت الأسعار بين الشركات بيكون في مقابل إسم المطور وسمعته وسابقة أعماله وخامات مواد البناء والتشطيب
واللوكيشن اللي فيه الوحدة فمش معنى إنه أرخص إنه أحسن .. الغالي تمنه فيه برضه.
اقرأ أيضًا : فى مقدمتها العاصمة الإدارية .. تخصيص 69 قطعة أرض بـ17 مدينة جديدة لإقامة أنشطة عمرانية متكاملة
