خالد سليم يكتب : STARBUCKS .. أكبر بنك فى العالم «مش مجرد كافيه»

قصة STARBUCKS هى دليل فعلى يلزم كل شركة بالتطوير المستمر لأن السوق عامل ذيى البحر اللى كل يوم الموج بيعلى فيه وشركتك ذيى المركب لو محاولتش تطور من شركتك هتروح ذى اللى اكبر منك ماراحوا بسبب عدم وجود ثقافة التطوير ذى ياهووو وكوداك ونوكيا و غيرهم كتير.

من هنا البداية

ذى ما قريت كده STARBUCKS اكبر بنك فى العالم مش مجرد كافيه لانSTARBUCKS عنده اكتر من 32 الف فرع على مستوى العالم بالمقارنة مع ال HSBC اللى بيمتلك 4 الاف فرع على مستوى العالم طب ازاى بقى من كافيه بقى بنك هقولك بس خلينى اقولك من البداية.

موسس الشركة GORDON BOWKER رجل اعمال امريكى الجنسية كان فى ايطاليا بيتفسح وكان قاعد فى كافيه فى روما وطلب قهوة وعجبتة جدا لان فى الوقت ده مكنش فى أمريكا غير البن العربى ايوه البن العربى فى السبعينيات ففكر لما يرجع امريكا انه يجتمع مع اصدقائة ويعملوا محل بن ايطالى يبيع البن والمكينة وفعلا عمل الشركة وفتح اول محل بن ايطالى فى أمريكا سنة 1971 وكان اول محل بيبيع البن الايطالى ومعاه COFFEE MACHINE وفعلا الفكرة نجحت وللعلم لايوجد عمل اى نوع قهوة داخل المحل لان المحل كان بيبع البن و COFFEE MACHINE فقط وبعد نجاح الفكرة الفرع بقى 4 فروع وفى سنة 1981 كان فى واحد اسمه HOWARD SCHULL اللى هو OWNER STARBUCKS حاليا كان شغال سيلز فى شركة بينها وبين STARBUCKS شغل ولاحظ ان كمية الاوردارات كبيرة جدا رغم ان نسبيا شركة جديدة وكان هدفه فى الوقت ده انه يكون جزء من الشركة دى عشان لما تكبر يكبر معاها فضل لمدة سنة يحاول يقدم على الشغل فيها ويترفض لحد سنة 1982 اتقبل واشتغل رئيس قسم التسويق وفى سنة 1983 سافر اشتغل فى ايطاليا وهو فى ايطاليا قعد فى اكتر من كافيه ولاحظ حاجة غريبة جدا ان الكافيه هناك مش بس بيبيع بن لا وكمان بيقدم طلبات قهوة جاهزة وناس كتير بتقعد على الكافيه مع اصحابهم و كمان اللى رايح على الشغل و بيعدى ياخد القهوة بتعتة و غير اللى قعد بيشتغل و هو بيشرب القهوة .. اللى هو العادى بتاع دلوقتى.. لكن لاحظ كمان فى الكافيهات دى ان العاملين عارفين اسماء العملاء وبيكتبوا اسمائهم على الكوبيات وتخلص وينادى على صاحب الاوردر والفكرة عجبتة جدا وكان راجع أمريكا بكل حماس عشان يعرض على مجلس الادارة وينقل الشركة نقلة تانية وفعلا عرض على الادارة الفكرة لكن للاسف اترفضت الفكرة كليا لكن SCHULL مستسلمش وفضل سنتين يحاول يقنع فيهم لحد ما فقد الامل انهم ينفذوا الفكرة .

فى سنة 1985 قدم استقالتة وأسس شركة اسمها IL GIORNALE اللى هى جريدة بس باللغة الفرنسية بيبيع فيها بن ايطالى وكمان بيقدم قهوة جاهزة .

طبق الفكرة اللى شافها فى ايطاليا وفعلا الشركة خلال سنتين حققت نجاح كبير وفتح اكتر من فرع فى اكتر من مدينة وفى 1987 عرف ان اصحاب STARBUCKS عايزين يبيعوا الشركة وقام SCHULL باجتماع مع الشركاء اللى معاه وكمان مستثمرين عشان يقنعهم بشراء STARBUCKS وهنا تحصل المفاجأة ان احد المستثمرين اللى كان معتمد عليه اعتماد كبير يروح من دون علمهSCHULL لأصحاب STARBUCKS ويعرض عليهم مبلغ اكبر عشان يشترى لوحده STARBUCKS.

لكن SCHULL مسكتش وراح لاحد الشركاء اللى معاه وحكي له اللى حصل وصاحبه خده وراحوا ل بيل جيتس سينيور اللى هو ابو بيل جيتس ايوه ابو بيل جيتس اللى تعرفة راجل ليه نفوذ فى الوقت ده وحد لى كلمة وكل واحد بيعمله الف حساب وكان طوله اتنين متر و فعلا اقتحم المكتب على المستثمر اللى لف من ظهر SCHULL وهدد الراجل ده (( فى حالة عدم انسحابك هيحصلك مشاكل كبيره)) وفعلا بعد المستثمر عن فكرة الشراء نهائيا ( على فكرة الكلام ده حصل بجد )

وأخير SCHULL جاءت له الفرصه انه يحقق اللى كان بيحلم بيه انه يحول STARBUCKS الى كافيه وعمل ده عن طريق دمج لشركته مع STARBUCKS.

وفى اخر سنة 1987 SCHULL بقى CEO STARBUCKS وقتها كان عدد الفروع اقل من 20 فرعا داخل أمريكا ومن بعد ما مسك عدد الفروع فضل يزيد بشكل مش طبيعى لدرجة ان جه وقت بيفتح 7 فروع فى اليوم الواحد والنهاردة فى اكتر من 32 ألف فرع حول العالم وكل ده بدون اى FRANCHIS عشان الفريق المسوؤل عن التوسع بقى محترف لدرجة ان فى حاجة فى العقارات فى امريكا اسمها FRAPPUCCINO EFFECT
بمعنى ان البيوت العادية فى أمريكا من 1997 الى 2014 زادت بنسبة 65% اما البيوت اللى بجوار STARBUCKS زادت بنسبة 96% يعنى اكتر من الطبيعى مرة ونص يعنى وانت بتشترى فى العاصمة الإدارية الجديدة او التجمع شوف STARBUCKS فاتح فين و اشترى جمبه.

وكل اللى فات ده قصة  اللى جاى قصة تانية خالص ( كيم جيم طاى ) الراجل ده CEO – KEB HANA BANK
تالت اكبر فينينشيل جروب فى كوريا قال ان STARBUCKS اتحول الى اكبر بنك مخالف و وده بسبب فكرة SCHULL انه عمل تطبيق لـ STARBUCKS على الموبيل بتشحن وفى اى وقت ومن اى فرع تدخل وتاخد مشروبك عن طريق اسكان بالموبيل وكل ما تشرب تاخد بونص او عدد من النجوم اللى تخليك تاخد مشروب مجانا على عدد النجوم او النقط وبسبب ده دلوقتى اكتر من 41% من الكنديين بيستخدموا تطبيق STARBUCKS.

ونتيجة لى ده طبعا ال BALANCE وصل عنده فى 2019 1.5 مليار دولار وللعلم 85% من بنوك أمريكا ماتحتكم على الرقم ده وللعلم الفلوس دى مينفعش تسحبها كل اللى تقدر تعمله انك تشترى بيها قهوة من التطبيق بتاعك ونتيجة لكده STARBUCKS عنده امكانيات مش عند اى شركة تانى بتنافسها فى العالم وده السبب الرئيسى اللى مخلى STARBUCKS رقم 1 فى العالم فى مجاله.

للمزيد: موقع التعمير للتواصل الاجتماعي تابعنا علي فيس بوك التعمير