أندية اللاليجا بس هي اللي فاهمة “كارلو أنشيلوتي” عكس أندية دوري ابطال اوروبا ، لأن ببساطة أندية اللاليجا دايما تستهدف اللعب على أكتر نقطتين ضعف في ريال مدريد عكس أندية دوري أبطال أوروبا ، هتلاقي ريال مدريد بيتعب جداً مع فرق غير قادرة على مجاراة السيتي وبايرن 10 دقايق على بعض ..
لكن هو هو نفسه ريال مدريد قادر يجاري نفس البايرن والسيتي نفسه .. ريال مدريد عنده نقطة ضعف في حالة الحيازة وهو إن الفريق هش جداً في مرحلتين التحضير والتدرج أمام أي بلوك مرتفع مع ضغط عالي بـIntensity عالية ، لأن الفريق معندوش نمط ثابت للتحضير والتدرج .. الموضوع معتمد بشكل كبير على مرونة تحركات الأفراد وقدراتهم الخلاقة .. تخيل انت القدرات الخلافة للاعيبة زي “ميندي” و”ميليتاو” و”كارفخال” شكلها هيكون ايه .
وهو نفسه ريال مدريد برضو عنده نقطة ضعف في حالة استقبال اللعب وهي ان الفريق مبيعرفش يدافع بالبلوك المنخفض لأن مفيش هيكل ثابت تتوزع فيه الأدوار الدفاعية ..
هيكل ريال مدريد مع “كارلو أنشيلوتي” مرن جداً عشان يقدر يخلق الفوضى بالـTurnovers .. ضريبة ده هو ان الفريق ضعيف التنظيم طول ماهو Underdog فيبلوك منخفض.
زيد من الشعر بيت .. ريال مدريد خسران أهم لاعب يخفي العيوب دي كلها ( كريم بنزيما) لأن هو اللاعب الحر اللي بيخلق الزيادة في التدرج وبسبب ريال مدريد يحصل على زيادة عددية في أي مرحلة لعب ، مفيش “بنزيما” ؟ الصرح كله هينهار ومستحيل مستحيل مستحيل “رودريجو” يقدم نفس الأدوار لأن في تفاوت مهول على مستوى الوعي…
