أكدت ربات صلاح، شقيقة اللاعب محمد صلاح نجم ليفربول والمنتخب الوطني، إن المنتخب المصري سيفوز على منتخب غانا اليوم، بهدفين دون رد، ضمن لقاءات دور المجموعات في بطولة أمم افريقيا 2023، والتي تقام في كوت ديفوار، «إن شاء الله البطولة لمصر».
وأضافت رباب، خلال لقائها مع الإعلامية سهير جودة، عبر صفحتها الرسمية على فيسبوك، قائلة: «في مكالمة لينا مع محمد قبل كل ماتش هيلعبه، ووالدتي بتدعيله بتقوله ربنا يوفقكوا وتكسبوا، وهي طول الوقت بتقعد تدعي لمحمد وبتفضل ماسكة السبحة وقت الماتش».
وأشارت: «والدتي لما بنكون كلنا معاها في البيت بتحب تتفرج معانا على ماتشات محمد، لكن في أغلب الوقت بتتفرج لوحدها وبتركز في تفاصيل الماتش وفي الدعاء لمحمد، وده قمة استمتاعها، وهي بعد الماتش بتقوله أنت مثلا انهاردة كنت وحش المفروض كنت تعمل كذا، هي ماما بدأت تحلل».
وتابعت: «في أوقات مثلا محمد بيكون عنده عدم توفيق، أو تعرض لهزيمة مع فريقة، علطول اليوم ده بيبقى قفل في بيتنا، وأنا دخلت في حالة نفسية وحشة جدا لما محمد وقع على دماغة في مباراة مع ليفربول، وخرج من الماتش، كنت قلقانة عليه جدا».
وأوضحت رباب: «أنا لما بتسئل عن انتقال صلاح من ليفربول لنادي آخر أقول أنني لا أعرف طبيعة شغلة، ولا أعرف ما هو الأنسب له، أنا كـ رباب أخته مبتعداش الحاجات اللي هو على علم جيد بيها».
وكشفت رباب أنها تحب جميع أهداف شقيقها محمد مع منتخب مصر، وخاصة الهدف الذي سجله في مرمى الكونغو ومنح المنتخب المصري الوصول لكأس العالم.
للمزيد : تابعنا موقع التعمير ، وللتواصل الاجتماعي تابعنا علي فيسبوك التعمير
