دائمًا هى اكتر حاجة منضبطة خصوصا لما بتكون اى نوع بس اصلى . كل واحد مننا ممكن يشوف الحاجة بعين تانية و فكر تانى انا مثلا بحب اشوف الساعة ذى الشركة بالظبط يعنى مش لازم الساعة تكون بميت الف دولار عشان تبقى اصلى فى ساعات اصلى كتير قيمة مقابل سعر
يعنى الظروف و العوامل اللى الساعة بتعدى بيها هى اللى بتديها قيمتها الحقيقية اثناء العمل بها طيب و حاجة تانية مهمة جدا ترووس الساعة كل ترس من اكبر ترس لحد اصغر ترس بيقوم بدورة على مدار الساعة و ده حاجة ذى الشركات الناجحة عشان فى الشركات دى بيكون فى انضباط يعنى مش هتلاقى بتاع الحسابات مثلا مدخل نفسة مع بتاع المبيعات و بتاع التسويق مش حاشر نفسة فى الحسابات يعنى كل واحد فيهم مطلوب منه طلب بيتنفذ على اكمل وجه بدون التدخل او التجويد او راى او حتى يعلق غلطة على شماعة او يجيب اللوم على حد بيكون ذى الترس بالظبط بينفذ الطلب ذى ما الكتاب بيقول بضمير مش بيقول على قد فلوسهم
فى نوع غريب جدا من البشر ابتدا ينتشر فى شركات كتير عينة غريبة جدا مش عامل اللى عالية و مش بيقبل يكون ماشى بخطة واضحة و صريحة و لا حتى متقبل فكرة ترتيب الشغل لا و ممكن يتفة من طلب مطلوب منه بس عشان يرضى غرورة الداخلى او عشان ميظهرش نقط ضعفة فى الشغل اللى هو المفروض نجم فيها عشان كده هتلاقى ناس كتير من اول اصحاب الشركات لحد الاوفيس بوى مش مستمرين مع بعض لفترة كبيرة وده بسبب الترووس اه الترووس لو كل واحد جوة المكنة شغال شغلة بس من غير تجويد و بيعمل اللى يرضى ضميرة وربنا هتشوف شركات كتير بتنجح لان النجاح مش انك تبيع بس و لا انك تسوق بس النجاح الحقيقى ان يكون فى ناس عندها ولاء للمكان و ولاء لشغلة و بتطور من نفسة و برده ده نفس الموضوع فى الشركات انك تتطور لصالح كل فرد داخل او خارج الشركة هتعامل معاك وده برده مش هيجى فى بلد ذى مصر تحديدا غير بطريقة الساعة و الترووس عمرك شوفت ترس الثوانى و قف يسال ترس الساعات انت ليه مش بتتحرك غير كل 60 دقيقة مثلاا مستحيل طبعا قيس المثل ده كده عندنا فى الشركات هتلاقى ان الوضع فى شركات كتير بقى مزرى جدا و ده لعدم وجود قواعد و عدم وجود مقياس الاداء و عدم وجود حاجات كتير و كل ده علشان الفصيل الجديد اللى موجود منه كتير فى السوق عايز يشتغل ذى ماهو شايف يشتغل ازاى و شايف نفسة صح عايز يحشر نفسة فى شغل غيره حتى لو برأى اجابى او سلبي عايز يوصل لصاحب المال باى طريقة و يكون صاحبة عايز ميتسالش هتلاقى كل اللى عايزة الشخص ده عكس تركيبة الساعة تماما عشان كده لازم يكون فى خطة لكل شركة انت فين دلوقتى و عايز تروح فين فى قد ايه وازاى و التكلفة كام ولازم كمان يكون فى ولاء للمكان من اتجاه الموظف للشركة و العكس صحيح و يا ريت و حضرتك بتوظف تسال عن الشخص ده اكتر من حد و يكون فى مقياس اداء لكل شخص عشان فى خلال اول سنة للشركة تقدر تقول انا عندى نظام ذى الساعة بالظبط = ( نجاح ).
