* كل اللى عايز تعرفه عن شهادات الادخار بالدولار والجنيه وبفائدة تصل إلى 17.25%
– لو معاك دولار يبقى عندك شهادات الادخار الاستثمارية بالدولار داخل البنوك المصرية وبمتوسط فائدة 5% سنويًا يعنى على كل 10000 دولار استثمار هتاخد 500 دولار فى السنة يعنى 12260 جنيه بسعر الدولار النهاردة
– عدة بنوك عندها شهادات بالجنيه المصرى بفائدة تصل إلى 17.25% ومنها البنك الأهلي وبنك مصر وبنك القاهرة
– الشهادة مدتها 3 سنوات وثابتة العائد طول المدة دى
– قيمة الشهادة 1000 جنيه ومضاعفاتها يعنى 10 شهادات قيمتها 10 آلاف جنيه
– لو عايز الفائدة كل سنة هتشترى الشهادة 17.25 %
* مثال توضيحى لحساب الفائدة على مبلغ 100 ألف جنيه وبفائدة سنوية : لو اشتريت الشهادة يوم 1 نوفمبر 2022 هيكون أول تاريخ للفائدة يوم 31 أكتوبر 2023 وهتكون 17250 جنيه ولمدة 3 مرات على 3 سنوات
– لو عايز الفائدة كل 6 شهور هتشترى الشهادة 16.5%
* مثال توضيحى لحساب الفائدة على مبلغ 100 ألف جنيه وبفائدة كل 6 شهور: لو اشتريت الشهادة يوم 1 نوفمبر 2022 هتكون الفائدة كل 6 شهور 8250 جنيه
– لو عايز الفائدة كل 3 شهور هتشترى الشهادة 16.25%
* مثال توضيحى لحساب الفائدة على مبلغ 100 ألف جنيه وبفائدة كل 3 شهور : الفائدة كل 3 شهور هتكون 4062 جنيه
– لو عايز الفائدة كل شهر هتشترى الشهادة 16%
* مثال توضيحى لحساب الفائدة على مبلغ 100 ألف جنيه وبفائدة كل شهر : الفائدة كل شهر هتكون 1333 جنيه
* خلى بالك أن كل المبلغ المستثمر فى الشهادة ما هيكون كبير هتفرق الـ0.25% وهتكون الشهادة 17.25% هى الأنسب ولكن الفائدة هتبقى كل سنة
* برضه خلى بالك: لو عايز دخل شهرى ثابت هتكون شهادة 16% هى الأنسب لك
ملحوظة: الكلام ده للمقارنة فقط والقرار الاستثمارى لك شخصيًا.
اقرأ أيضًا : بنك QNB الأهلي يقرر رفع العائد على الشهادات الادخارية بعائد سنوي ثابت يصل إلى 17.25%
