مفهوم تكلفة الشيلة
The “cost of carry” and the pricing of forward contracts
لفظ “تكلفة الشيلة” هو ترجمة احد طلاب الماجستير الممتازين لمصطلح cost of carry و قد أعجبتني جدا هذه الترجمة الحرفية لأنها تشرح المفهوم بصورة دقيقة.
مثال مبسط
١. النهاردة سعر الصرف = ٢٥ جنيه للدولار و سعر الفائدة علي الجنيه = ٢٠%
٢. لو حد عايز يشتري منك دولار واحد بعد سنة بس يتفق علي تثبيت سعر الصرف الاجل النهاردة، تفتكر سعر الصرف الاجل ده يبقي كام؟
٣. ممكن تقوله ٤٠ جنيه مثلا
٤. المشكلة في السعر ده ان المشتري ممكن يجيب ارخص منه كالآتي:
ا. يستلف ٢٥ جنيه من البنك النهاردة بسعر فائدة ٢٠% يعني ٥ جنيه في السنة
ب. يشتري الدولار النهاردة ب٢٥ جنيه و يخزنه لمدة سنة
ج. و بعد سنة يسدد ٣٠ جنيه للبنك (اصل القرض + الفايدة)
25 x (1 + 20%) = 25 + 5 = 30
٥. اذا، فهو مش هيقبل بسعر اجل = ٤٠ جنيه للدولار لان تكلفة الشيلة (و هي تكلفة تخزين الدولار لمدة سنة) لا تزيد عن ٢٠% فوق السعر الحالي مما يعني انه ضامن سعر دولار = ٣٠ بعد سنة.
٦. و مما سبق، نقدر نقول ان ما يعرف بالسعر الاجل للدولار = ٣٠ = تكلفة السعر الحالي + تكلفة الشيلة او الcost of carry
٧. و لكن، لسه فيه حاجة ناقصة…
ال٣٠ دي مبنية علي اساس ان الدولار تم تخزينه تحت البلاطة و لا يدر اي فايدة.
و لكن في الطبيعي، الدولار هيتم ايداعه في البنك خلال السنة و يستحق فايدة مما يعني ان صافي تكلفة الشيلة هتقل شوية.
٨. فلو فايدة الدولار = ٥%، لازم اطرح ال٥% من ٢٠% = ١٥% علشان احسب صافي تكلفة الشيلة و بالتالي سعر الصرف الاجل.
25 x (1 + 15%) = 28.75
…and to be more accurate, it should be:
$/EGP in 2023 =
25 x [(1 + EG interest rate) ÷ (1 + US interest rate)] = 28.6
للمزيد: موقع التعمير للتواصل الاجتماعي تابعنا علي فيس بوك التعمير
