برافو ساويرس.. علشان كدا بقيت ساويرس.. علشان نعرف ان مفيش تار بايت بيني وبينك.. ولا شخصنة لأي شيء.
ولما بتعمل حاجة حلوة بنبروزها.. أي حد ناجح ف شغله .. حياته الشخصية أو أي عمل بيقوم بيه او بيديره او بيشرف عليه!!
أول لما بيشوف غلط أو حد بيشاور له على غلط!.. لا يبرر و لا يطلق غلمانه يهاجموا اللي بيشاور على الغلط و لا بيقعد يتحجج!.
بيعترف بالغلط كخطوة أولى للتصحيح، بشكل واضح ومباشر و شجاع!!.. علشان كده بيكون ناجح و بيوصل لمستوى محدش مبرراتي بيعرف يوصل له!!.
البوست لنقطة الاعتراف بالخطأ كبداية للتصحيح!!.. يعني كان ممكن يقول دي مسافة قليلة و مش قصة!.. كان ممكن يقول الشغل كان طوارئ و دي اول حاجة متاحة!.. كان ممكن يتحجج بالف حجة، لكنه اختار يعترف إن في خطأ!!.. برافو ساويرس.
يذكر أن الدكتور جمال شعبان هو أستاذ أمراض القلب الشهير وعميد معهد القلب السابق وجاءت تصريحاته الأخيرة عبر صفحته الرسمية على موقع التواصل الاجتماعى فيس بوك، وذلك عقب استجابة نجيب ساويرس لأحد المواطنين الذى قام بنشر صورة لشركة أوراسكوم وهى تنقل العمال لديها للعمل بمشروع المونوريل عبر سيارة نصف نقل..
وهو الأمر الذى اعترض عليه نجيب ساويرس وطالب المسئولين لديه بنقل العمال عبر أتوبيسات وليس بهذه الطريقة.
