أحمد يعقوب يكتب : ماذا بعد قرارات المركزى؟

خريطة لفهم ماحدث فى الاقتصاد والدولار.. ماذا حدث؟

– البنك المركزى رفع الفائدة بنسبة 2% إلى 13.25% للإيداع و14.25% للاقراض

– البنك المركزى قرر زيادة قيمة الشحنات المستثناة من قرار الاعتمادات المستندية إلى 500 ألف دولار أو ما يعادلها من العملات الأخرى

– بنوك الأهلى ومصر والقاهرة أصدروا شهادة جديدة مدتها 3 سنوات بعائد 17.25 % يصرف سنويًا و16.5% بعائد يصرف كل 6 شهور و16.25% بعائد 16.25% يصرف كل 3 شهور و16% بعائد يصرف كل شهر

– ارتفع متوسط سعر الدولار لـ 22.96 جنيه للدولار وده إجراء مهم فى إطار تحرير سعر الصرف والقضاء على السوق السوداء

– صندوق النقد الدولى أعلن التوصل لاتفاق مع مصر ببرنامج لمدة 4 سنوات بتسهيل ائتمانى بقيمة 3 مليارات دولار وده يتيح تمويلاً إضافياً مليار دولار من صندوق “المرونة والاستدامة” و5 مليارات دولار من المؤسسات الدولية.

* إيه اللى جاى:

– الإجراءات دى وبرنامج الإصلاح الاقتصادى الشامل اللى مصر بتنفذه يستهدف خفض مستوى التضخم – ارتفاع الأسعار – وكمان دعم النمو والقطاع الخاص

– إجراء مهم وهو تدبير 67.3 مليار جنيه لصرف حزمة الحماية الاجتماعية اعتبارًا من الشهر المقبل لتخفيف الأعباء عن المواطنين

– السلع متوفرة فى الأسواق ولازم تعرف إن مصر من أفضل الدول اللى تقدر تعيش فيها فى كل المستويات الاجتماعية وبمستوى معيشة وأسعار مناسبة

– فى انفراجة قريبة مهمة هتحصل فى ملف الاستيراد من الخارج

– ملف القطاع الخاص وجذب الاستثمارات الأجنبية المباشرة له أولوية قصوى أمام الحكومة وده هيعمل مستقبل أفضل وفرص عمل ونشاط اقتصادى

– موسم الشتاء السياحى القادم مهم جدًا فى دعم اقتصاد مصر وموارد العملة الصعبة

* تعمل إيه:

– إعمل إعادة ترتيب الأولويات وتشترى الضرورى وتعمل ترشيد استهلاك

– اشترى المنتج اللى محتاجه دلوقتى وبالتقسيط لو أمكن

– الاستثمار الأهم الآن هو شهادات الادخار 16% وده أفضل من الذهب والعقار والدولار

– اعرف إن دول العالم كلها بتعانى من الأزمة الاقتصادية الحالية وهى أزمة غير مسبوقة ومش معروف أفق محدد لحلها.