رد الدكتور علي جمعة، مفتي الديار المصرية الأسبق، وعضو هيئة كبار العلماء، على أسئلة عدد من طلاب المدارس الواردة إليه بشأن الله – عز وجل – وسبب عدم رؤية الخلق له.
وأضاف خلال تقديمه لبرنامج «نور الدين»، المذاع عبر فضائية «الأولى»، مساء الخميس: «في حد يقول لي هو ربنا خلقنا أومال مين اللي خلق ربنا؟ أرد عليه وأقول له محدش؛ لأنه خارج الزمان».
وأكمل: «مقدرش أقول مين اللي خلق ربنا، مفيش حد خلق ربنا، مفيش حد بيعد، محدش بيقول له أنت عمرك يا رب دلوقتي مليون أو 2 مليون».
وسأله أحد الأطفال: «ربنا عنده كام سنة؟»، ليرد عليه عضو هيئة كبار العلماء: «ربنا معندوش أي سنة لأن مفيش عد».
وأشار «جمعة» إلى أن الله موجود طول الوقت؛ لأنه الأول والآخر والظاهر والباطن، لا بداية له ولا نهاية له، قائلًا إن «الله ليس له عمر لأنه ليس حوله زمن».
واستطرد: «محدش بيعرف يعد لأن مفيش زمن أو ساعات أو دوران للأرض حول نفسها، عدم وجود الزمان يخلينا نقول مينفعش السؤال ده، الله مختلف عننا، أنت وأنا نعد السنين، أنا عندي 72 سنة يعني أنا جدو وأنت عندك 8».
للمزيد : تابعنا موقع التعمير ، وللتواصل الاجتماعي تابعنا علي فيسبوك التعمير
